About Us
'बाल देवो भव'
उदगीर व परिसरातील एक गुणवत्तापूर्ण शिक्षणाचे केंद्र म्हणून ओळखली जाणारी शाळा म्हणजे संत ज्ञानेश्वर माऊली प्राथमिक विद्यालय. गेल्या 25 वर्षांपासून अविरतपणे कार्यरत असलेल्या या शाळेत नर्सरी, LKG, UKG पासून ते इयत्ता 7वी पर्यंत सेमी-मराठी माध्यमाचे शिक्षण दिले जाते. इतर शाळांपेक्षा ही शाळा वेगळी ठरण्याचे कारण म्हणजे येथे विद्यार्थ्यांसाठी उपलब्ध केलेल्या अनेक भौतिक सुविधा. शाळेत विद्यार्थ्यांना अभ्यासाचे दृढीकरण लवकर व्हावे म्हणून प्रोजेक्टरच्या साहाय्याने शिक्षण दिले जाते. तसेच, विद्यार्थ्यांच्या वाचन गुणांचा विकास व्हावा म्हणून ग्रंथालयाची स्थापना करण्यात आली आहे. ग्रंथालयातील विविध पुस्तकांमधून विद्यार्थ्यांना नवनवीन माहिती मिळते. विद्यार्थ्यांच्या आरोग्यासाठी शाळेत RO पाण्याची सुविधा उपलब्ध आहे, जे शुद्ध आणि निरोगी आहे. मध्यांतरात विद्यार्थ्यांना पोषण आहार दिला जातो. या आहारामध्ये केळी, अंडी, राजगीरा लाडू इत्यादी पौष्टिक पदार्थांचा समावेश असतो. शाळेत विद्यार्थ्यांसाठी स्वच्छ आणि सुंदर असे स्वच्छता रूम आहेत. प्रत्येक वर्गात स्वच्छ, सुंदर डेस्क, फॅन, लाईट आणि मोठ्या खिडक्या आहेत, ज्यामुळे वर्ग प्रकाशमय आणि हवादार आहेत. शाळेत विविध प्रकारच्या स्पर्धा परीक्षा राबविल्या जातात, ज्याचा उपयोग विद्यार्थ्यांना भविष्यात होणाऱ्या स्पर्धांसाठी होतो. पाचवीच्या विद्यार्थ्यांसाठी नवोदय, स्कॉलरशिप, सातारा सैनिक स्कूल या परीक्षांची उत्तम तयारी शाळेतच करून घेतली जाते. दरवर्षी अनेक विद्यार्थी राज्यस्तरीय, विभागीय, जिल्हा आणि तालुका स्तरावर यश मिळवतात.
बालवाडी ते सातवी वर्गापर्यंत सेमी-मराठी माध्यमाचे विशेष वर्ग आहेत. प्रत्येक वर्गात जास्तीत जास्त 30 विद्यार्थी ठेवले जातात, त्यामुळे विद्यार्थ्यांना गुणवत्ता मिळते. शाळेत दररोज सकाळी संगीताच्या सुरावटीतून परिपाठाची सुरुवात होते. परिपाठात देशभक्तीपर गीते, संस्कृतिक, धार्मिक मंत्र यांचा समावेश असतो, ज्यामुळे विद्यार्थ्यांचा आत्मविश्वास वाढतो. दर आठवड्यात दोन दिवस सामान्य ज्ञान, बोधकथा सांगितल्या जातात, ज्याचा विद्यार्थ्यांना भविष्यात खूप उपयोग होतो. शाळा उदगीर नगरीत होणाऱ्या प्रत्येक सांस्कृतिक कार्यक्रमात सहभाग घेते. विद्यार्थ्यांनी विविध स्पर्धांतून बक्षिसे मिळवली आहेत. शाळेत विविध खेळांचे आयोजन केले जाते, ज्यामुळे विद्यार्थी जिल्हा, तालुका, विभाग आणि राज्यस्तरावर यश संपादन करतात. विद्यार्थ्यांना लेझीम, हलगी, स्काउट-गाईड यासारख्या उपक्रमांच्या माध्यमातून परिपूर्ण बनवण्याचा प्रयत्न केला जातो. शाळेत वैज्ञानिक प्रयोगांचे सादरीकरण करून विद्यार्थ्यांचा वैज्ञानिक दृष्टिकोन विकसित केला जातो. शाळेत विद्यार्थ्यांचा बौद्धिक, सामाजिक तसेच सर्वच बाजूंनी विकास होत असल्याने दरवर्षी शाळेतून शिकलेले अनेक विद्यार्थी उत्तम पदांवर पोहचले आहेत. संत ज्ञानेश्वर माऊली प्राथमिक विद्यालय ही शाळा केवळ शिक्षण पुरवणारी संस्था नसून विद्यार्थ्यांच्या सर्वांगीण विकासासाठी कटिबद्ध आहे. विद्यार्थ्यांच्या शारीरिक विकासासाठी खेळांची उत्तम व्यवस्था केली आहे. मैदानावर खेळताना विद्यार्थ्यांना संघभावना, शिस्त आणि नेतृत्वगुण शिकण्याची संधी मिळते. खेळाच्या विविध स्पर्धांमध्ये सहभागी होऊन विद्यार्थ्यांनी शाळेचा नावलौकिक वाढवला आहे. शाळेतील शिक्षक वर्ग अत्यंत कुशल व विद्यार्थ्यांप्रति तितकेच कर्तव्यदक्ष आहेत. प्रत्येक विद्यार्थ्याच्या वैयक्तिक प्रगतीकडे बारकाईने लक्ष दिले जाते. शाळेने आधुनिक तंत्रज्ञानाचा अवलंब करून विद्यार्थ्यांना डिजिटल शिक्षणाचीही सुविधा उपलब्ध करून दिली आहे. संगणक कक्षेतून विद्यार्थ्यांना संगणकाचे मूलभूत ज्ञान दिले जाते, ज्यामुळे ते आधुनिक जगाशी सुसंगत राहतात. शाळेत दरवर्षी विविध उत्सव, कार्यक्रम साजरे केले जातात, ज्यातून विद्यार्थ्यांना सांस्कृतिक व सामाजिक मूल्यांचे महत्त्व पटते. गणेशोत्सव, स्वतंत्रता दिन, शिक्षक दिन अशा विविध प्रसंगी विद्यार्थ्यांनी सादर केलेल्या कार्यक्रमांनी शाळेचा परिसर आनंदमय होतो. संत ज्ञानेश्वर माऊली प्रा. विद्यालय उदगीर नगरीतील गुणवत्तापूर्ण शिक्षण देणारी एकमेव शाळा म्हणून ओळखली जाते. शाळेने विद्यार्थ्यांच्या सर्वांगीण विकासासाठी घेतलेले प्रयत्न हे निःसंशयपणे उल्लेखनीय आहेत. यामुळेच दरवर्षी अनेक विद्यार्थी उच्च पदांवर पोहचत आहेत आणि शाळेचे नाव उज्ज्वल करत आहेत.
